174. De ss. Quattuor Doctoribus.

1 a. Iesus Christus collaudetur
Et semper sanctificetur,
Qui creavit omnia,

1b. Philosophos et doctores,
Veritatis inventores
Plenos sapientia.

2 a. Unus de numero quorum
Pastor fuit populorum,
Nomine Gregorius,

2 b. Humilis in omni morum
Honestate divinorum
Doctor et egregius.

3 a. De profundis tenebrarum
Lumen venit portans clarum,
Augustinus nomine,

3 b. Cui Ambrosius praedicavit
Et in fide confirmavit
Trinitatis culmine.

4 a. Qui doctor fuit praeclarus
Atque praesul non avarus
In suis dogmatibus,

4b. Quibus mundum illustravit
Haeresim et consumavit
In locis compluribus.

5 a. Cardinalis hic doctorum,
Sanctus doctor divinorum
Advenit Ieronymus;

5 b. Testamentum illustravit
Vetus novum et firmavit
Ut Christi yconimus.

6 a. Omnes vos, sancti doctores,

Iesu Christi servitores,

Illi preces fundite,

6 b. Ut nos in hac vita puros
Reddat atque transituros
Ponat suo tramite.