177. De sancto Donato Aretino Ep.

1 a. Psallat laeta contio
Ptecolens cum gaudio
Votiva sollemnia,

1b. Quod Donatus hodie
De lacu miseriae
Transit ad caelestia.

2 a. Puer Romae studuit
Studioque floruit
Docente Pigmenio;

2 b. Fugit in Aretiam
Perdi timens etiam
Iuliani gladio.

3 a. Qua Primarii filiam
Liberat Austerinm
A daemonis nexibus ;

3b. Clamat daemon exiens:
Car incendor totiens,
Sancte, tuis precibus?

4 a. A Syranna caecitatem
Fugat et integritatem
Reddit orbae luminis.

4 b. Eupbrosyna fiscum prodit
Viro suo, quem subfodit
Sub ingressu liminis.

5 a. Hinc Satyrus annis satur
Obit, eo viduatur
Civitas Aretia;

5 b. Ergo trahitur Donatus
Ad hoc culmen praesulatus
Omnium concordia.

6 a. Pastor pius, pastor bonus,
Pastorale ornans onus
Vita, verbo, spiritu,

6 b. Carbo prius ignis tectus,
Lampadarum tunc aspectus
Discurrens cum impetu.

7 a. Calix fractus reparatur,
Et defunctus suscitatur
Testis census redditi ;

7 b. Draco perit, fons mundatur,
Et ab hoste liberatur
Nata Theodosii.

8 a. Cogit hunc Quadratianus,
Ut dis surdis ceu profanus
Ferat sacrificia ;

8 b. Qui resistit stans invictus,
Tormentorum suffeit ictus,
Deridet supplicia.

9 a. Tandem capite truncatur
Et aeterna coronatur
Vita, quam cupierat,

9 b. In odorem suavitatis
Offerens se cum beatis,
Videns, quem dilexerat.

10 a. Ave, pater gloriose;
Casti candor lilii,
Ave, mixtus odor rosae,
Robore martyrii ;

10 b. In procinctu viae stamus,
Manum lapsis porrige,
Tua prece, ne cadamus,
Gressus nostros dirige.