178. De ss. Dunato et Sociis MM.

1 a. Grates agens Christo gratis
Gratuletur Civitatis
Clerus, miles, populus;

1 b. In qua florent velut rosae.
Quos illustrat gloriosae
Passionis titulus.

2 a. Quorum primus est Donatas,

Caelo dives et donatus

Immortali gloria ;

2 b. Quo victore vir profanus
Victus est Victorianus
Martyris constantia.

3 a. Iubet enim praeses dirus
Mentis inops et delirus
Vana coli numina;

3 b. Sed invictae vir virtutis
Surdis sua dis et mutis
Denegat libamina,

4 a. Illum docens adorari,
Cuius nutu saepta mari
Firma pendet arida,

4 b. Quo iubente sol et luna
Vice nobis opportuna
Luce nitent fulgida.

5 a. Verba vitae sanctus serit,
Praeses furit, sanctum ferit
Capitis sententia.

5 b. Fratrem cuius, virum iustum,
Sic inflicta mors Venustum
Rapit ad caelestia.

6 a. Per eandem Christus manum
Sacerdotem fert Silvanum
Cum levita Romulo.

6 b. His adiunctus Hermogenis
Collocatur in amoenis
Cum felice populo.

7 a. Cuius prece templum ruit,
Ruunt, quorum daemon fuit
Prolocutor, idola;

7b. Quem inclusum in puella
Fide gerens Dei bella
Depulit christicola.

8 a. Ergo, quibus dies iste
Dedicatur, tua, Christe,
Nobis pandant atria.

8b. Ibi regnant laureati,
Qui ad agni sunt vocati
Mystici convivia.