182. De sancta Elisabeth.

1 a. Iucundetur plebs fidelis,
Elisabeth quod in caelis
Scandens gaudet hodie;

1b. Sancta radix et regalis,
Sancti regis specialis
Flos et germen nobile.

2 a. Sociata uni viro

Firma fide de tyranno
Christi fecit militem.

2 b. Sui viri post decessum
Mutat mores et processum
Et excessum corrigit.

3 a. Quidquid habet, dat egenis,
Egens magis pro egenis
Victum quaerit manibus.

3 b. Curam gerens aegrotorum,
De spe certa futurorum
Servit aegris sedula.

4 a. Immundorum manu munda
Sordes tergit, lavat unda
Multis immunditias.

4b. Elisabeth ex hoc grata
Tibi, Iesu, per te multa
Fecit haec miracula.

5 a. Caeci, claudi, surdi, muti,

Sunt defuncti restituti

Sanitati pristinae.

5 b. Patris poenam mitigavit,
Fontis aquam immutavit
In piscibus precibus.

6 a. Eia, fratres, exoremus
Hanc et eius imploremus
Proni patrocinia,

6 b. Ut nos solvat a peccatis,
Sursum ducat cum beatis
Ad aeterna gaudia.