183. De ss. Euphemia, Dorothea, Thecla, Erasma.

1 a. Gaude, chorus fidelium,

Sanctorum rex convallium

Hodie legit lilium

In Aquilegia.

1b. Descendens ad aromatum

Areolam caelestium

Sorores sacras civium

Fert ad collegia.

2 a. Hae sunt novi Sion flores,

Quaecunclorumformantmores

Virginali foedere,

2b. In aetate dum tenella

Fide dira vincunt bella,

Cogunt Christo credere.

3 a. Harum duas christianus,

Duas nequam et vesanus

Idolatra genuit,

3 b. Quas cum novit baptizatas,

Christo sponso consecratas,

Ira fremens gemuit.

4 a. Furens saevit, cedunt natae,

Flagrat magis vis innatae

Flagris trita fidei.

4 b, Sequens ad germani tendit

Domum, servus has ostendit

Spreto cultu fidei.

5 a. Vis verborum probat fidem,

Verbo namque servus idem

Statim datur funeri.

5 b. Parens natas cam germanis,

Furor quem vexat inanis,

Domo claudit funebri.

6 a. Hostis proli,

Servus doli,

Factus frater sceleris,

Tradit natas

Iam renatas

Potestati Caesaris.

6 b. Iubet eas

Quasi reas

Caedi timens parcere;

Praeses caesas

Sed illaesas

Demum claudit carcere.

7 a. Post abscidit his mamillas

Et per urbem trahit illas

Stirpe natas celebri.

7 b. Tandem iubet has punire

Gladio, quas vult finire

Vitam morte celeri.

8 a. Tunc has pater domum duxit

Intrans, illis quam construxit,

In turrim, magnopere.

8 b. Quintus hic in domo visus

Et in quattuor divisus

Necat sanctas propere.

9 a. Has ostendit finis rei

Patris esse sanctas Dei

Et turris destructio,

9b. Praeceps pestis perversorum,

De Natissa submersorum

Corporum reductio.

10 a. Coniunguntur nunc in caelo

Christo, cuius passae zelo

Conculcantes lolium.

10b. Harum, Christe, prece pia

Gradientes vitae via

Duc ad caeli solium.