184. De sancto Eustachio.

1 a. Adest dies gloriae,
Dies complacentiae,
Plena Dei gratia,

Ib. Dies, inquam, luminis,
Expers haec caliginis,
Vere dies regia.

2 a. Haec dies, quam Dominus
Deos, rex interminus,
Fecerat a saeculo.

2 b. Gaudeat plebecula
Haec in bac diecula,
Qua carnis ergastulo

3 a. Triumphatis hosticis
Minis Adrianicis,
Syrti senatoria

3 b. Rutilante laurea,
Scandit in aetberea
Digna cum victoria

4 a. Vir magnus Eustachius,
Non pressuras amplius
Nobili collegio,

4 b. Qui polorum agmina
Cum terrarum machina
Illustrant martyrio.

5 a. Aeternae vitae complices,
Vos precamur supplices
Nostris pro excessibus,

5 b. Sitis apud Dominam
Memores iam hominum
Regnis in caelestibus.