192. De sancto Francisco.

1 a. Alme dux, minorum pater,
Per te lucet mundus ater,
O lux solaris gentium ;

1b. Tibi datur signum regis,
Per quod auctor novae legis
Mutavit vocem flentium.

2 a. Sonat vox novi praeconis.
Sacco tectus, cinctus zonis,
Iam mundumlinquens transiit:

2 b. Nam siccato carnis flore
Exemptus, in odore

Post Christum currens abiit.

3 a. Novitate aquilari

Rugas mentis denotari
Virtutum quaerit cardine ;

3b. Stupet caro delicata,
Miro vomere sulcata,
Respersa caeli semine.

4 a. Audi, cultor introductus,
Tu plantator novi fructus
Ditas tellus, maria.

4 b. Partus tuus triplicatus
A ruina praeservatus
Sit cum Sion filia.

5 a. Audi pater nos Francisce,
Tuae prolis pondus disce
Et a malis nos tuere.

5 b. Ne damnemur cum impiis,
Placa Deum pro miseris
Et dic: horum miserere.