193. De sancto Francisco.

1a. Ave, pater, pacis lator,
Paupertatis renovator,
Novae gentis gloria:

1b. Post te currit nova schola
Pede nudo, vili stola.
Zona, bursae nescia.

2 a. O Francisce, vas virtutum,
Tu sprevisti velut lutum
Bona temporalia;

2 b. Crucem praefers specialem,
Nec in terris habet talem
Sanctus nec in patria.

3 a. Signa probant te beatum,
Cuius ossa sanitatum
Vaporant dulcedinem;

:3 b. Quot sunt morbi, tot medelae.
Visus, gressus et loquelae
Praebes plenitudinem.

4 a. Lepra, languores fugiunt,
Mors, daemones oboediunt
Ad tua imperia.

4 b. Iesu, fili summae matris,
Prolem ducas tanti patris
Ad aeterna gaudia.