197. De sancto Gengulpho.

1 a. Maiestati sacrosanctas
Militans cum triumphante
lubilet ecclesia:

1b. Deo patri, Deo nato,
Deo flamini beato

Sit laus, bonor, gloria.

2 a. Trino Deo honor unus,
Uni trinum laudis munus
Cuncta sit per saecula,

2 b. Qui in Christo, vera vite,

Suos suae aptat vitae

Palmites agricola.

3a. Interquoshuncsanctum virum,
Vita et virtute mirum,
Grcngulphum excoluit;

3 b. Quem excultum et suffultum
Ad ferendum fructum multum
Vitae vitis tenuit.

4 a. Ex primaevo vitae flore
Fide, ope, sacro rore,
Plenus fructu gratiae,

4b. Surgit in virum perfectum,
Christi servans iter rectum,
Semitam iustitiae.

5 a. Mirum dictu: uxoratus
Miles, clara stirpe satus,
Redundans divitiis,

5 b. Non est his illaqueatus,
Sed in mundo conversatus
Mundus absque vitiis.

6 a. Militans Pipino regi
Christi regis servit legi
Vir virtute inclitus;

6 b. Qui per fidem transfert fontem
Et per fontem monstrat sontem
Feminam divinitus,

7 a. Quam in viri armat mortem
Satan suae per consortem
Hominem malitiae.

7 b. Saevit hostis, sauciatur,
Martyr obit, palma datur
Et corona gloriae.

8 a. Poena reos comitatur,
Virtus sancti declaratur
Signis et prodigiis.

8 b Qui in caelis nunc laetatur
Et in terris honoratur
In Christi ecclesiis.

9 a. Christus ergo imploretur,
Ut post viae cursum detur
Nobis vitae bravium.

9b. Iesu boue, cuius dona
Nostra bona, qui corona
Es sanctorum omnium,

10a.Huius sancti sancta prece
A peccati munda faece
Et a mundi scoria;

10b. Fac nos patris, fac nos tui
Et amoris sacri frui
Sempiterna gloria.