198. De sancto Georgio.

1a. Diem sanctum Georgii
passione Christi
laude canamus omnes

1b. Cum chorisque angelorum
laetautes simulque
et sanctorum gaudentes.

2 a. "Veni, puer

dilectissimus meus,
cum corona(m)
ascendas in gloria,"

2 b. Vocavitque

nomen eius et dicens:

"Georgius,

ego sum Deus tuus.:

3 a. Tunc respiciens
in caelum
beatus Georgius

3 b. Obsecrando et
deprecando
in aevum Dominum:

4 a. Qui dedisti fiduciam
servis tuis, magne,

4 b. Quod memor sum mandatorum
tuorum, Domine,

5 a. Tu eripias
me de dolore,

quo circumdant me, et deduc
in gloriam fulgentem;

5 b. Furor illorum
valde malorum
venenum serpentium, et
insurgunt malignantes."

6 a. Et visus est ei

Dominus in custodia
nocte confortans
eum: "Ne timeas omne
genus tormentorum".

6 b. Omnes nos populi

te deprecamur, sancte, ut

intercedere

pro nostris facinoribus

ad Deum digneris.

7 a. Qui tuam memoriam
sollemnitate [magua]
celebramus,

7 b. Mereamur (tecum) habere
consortium, gaudia
paradisi.

8. Qui cum patre regnat
in aeterna saecula.