200. De sancto Gregorio.

la. Organum spirituale
Tangat decus clericale,
Dum recolitur natale
Vigilis Gregorii.

1b. Scriba regis angelorum
Floruit hic lux doctorum
Et apostolus Anglorum,
Qui prius inglorii.

2 a. Ex prosapia Komana

Spreta mundi pompa vana
In doctrina christiana
Vigilanter studuit.

2 b. Rhetor magnus et urbanus
Cuius pater Gordianus,
Felix, pontifex Romanus,
Atavus resplenduit.

3 a. Virgo saeculo pusilla
Eius amita Tarsilla,
Deo vigilans ancilla,
Vidit Iesum dulciter.

3 b. Uivens Silvia caelestis
Mater huius, digna gestis,
Fixit cor aeternis festis
Finiens feliciter.

4 a. Monasteria construxit
Ac prudentia adfluxit,
Monachalem vitam duxit
Derelinquens omnia.

4b. Sed cum cuperet sincere
Mori cunctis et latere,
Cogebatur apparere
Ut flos inter lilia.

5 a. Eruditus in virtute
A primaeva iuventute
Iter vadens viae tutae
Devitavit crimina.

5 b. Retexendo cantilenas
Sublevavit febris poenas,
Odas addidit amoenas
Per scripturae carmina.

6 a. Videns pueros Anglorum,
Pulchros vultu angelorum,
Mox misertus est eorum
Suspirando graviter.

6 b. O pontificem beatum,

Per columnam demonstratum
Et a naufrago probatum
Dignum mirabiliter !

7 a. Recta scribens recte dixit,
Quo malivolos adflixit,
Sed correctis benedixit
Pastor bonus omnibus.

7 b. Uigil iste sanctus fuit,
Qui ut nubes magna pluit
Et ut ros de caelo ruit,
Utilis fidelibus.

8 a. Monstra fecit in hac vita
Verus hic Israelita,
Quod cognovit eremita
Ex divina gratia.

8 b. Deus fecit Levi pactum
Nec paenituit transactum
Pacis atque vitae factum
Cum honoris gloria.

9 a. Aes in zonis non compegit
Sed pauperibus redegit,
Quem salvator praeelegit
Organum mellifluum.

9 b. Istum deprecemur sanctum
Nos viventes, vita tantum,
Ut cantemus agni cantum
Nunc et in perpetuum.