201. De sancta Hedwige.

la. Consurge iubilans,

Vox quaevis hominum,
Laudesque resonans
More fidelium
Christo credentium,

1b. Hedwigis inclitae
Dum festa recolis,
De cuius meritis
Angeli hodie
Congaudent in caelis.

2 a. In hac miseriae
Valle, mater, pie
Succurre miseris
Et zyma scoriae
Tollas de medio,

2 b. Tot dum phantasmatum
Incursu turbatur
Mentale sabbatum
Et carne movente
Diversum proelium.

3 a. Curas haec propellat
Mundanas, noxias,
Christi nos faciat
Secum participes,
Patris imperii.

3 b. Nam cum tot fulgeat
Inter nos meritis,
Caecos illuminans,
Claudis gressum parans
Auditumque surdis,

4 a. Mortuos suscitat,
Febres eliminat,
Sese invocantes
Aegros plures curat
Et loqui efficit.

4b. Quam felix famula
Hedwigis inclita,
VivenS cum gloria
In caeli patria
Per aevi saecula!

5 a. Ubi nec senium,

Nec languor mentium,
Nec terror hostium,
Nec cura vestium,
Nec fraus nec odium:

5b. Illic archangeli,
Prophetae, angeli
Sunt canentes Deo
Gloriam in caelis
Voce mirabili.

6. Qui nobis tribuat
Peccati veniam
Hedwigis precibus
Et donet patriam
In caeli gloria.