206. De sancto Hieronymo.

1. O quam venerandus est
Gloriosus Ieronymus,
Christi confessor egregius!

2 a. Hic doctor veritatis,
Destructor falsitatis,
Claritatis speculum.

2 b. Vas humilitatis,
Rosa caritatis,
Castitatis Ulium.

3 a. Clara stella firmamenti.
Rutilans in caelis,

3 b. Veterisque testamenti
Translator fidelis.

4 a. Hic fidei catholicae

Planus illustrator,

Serviminis ecclesiae

Primus ordinator

Sacrosanctaeque scripturae

Verus declarator.

4b. Eius sapientia

Lucet per mundi climata,
Qui fulget in ecclesia

Tamquam sol et luna,
Et splendet catholica

Ubique fides nostra.

5 a. Eius virtus florida

Fulget ante Dominum,

5 b. Et doctrina lucida

Sonat per linguas hominum.

6 a. Eius fama gloriosa

Est in terris et in caelis,
Eius de miraculis
Exsultat plebs fidelis.

6 b. Eius sanctis meritis
Deus honoratur,
Et laetantur angeli
Mundus illustratur.