209. De sancto Hyacintho.

1 a. Funde de caelestibus,
Hiacynthe, sedibus

Quid, quo fulges, luminis,

1b. Cum te magnis vocibus
Invocamus precibus,
Nostri splendor ordinis.

2 a. Tu contemptis opibus
Et fluxis honoribus
Petisti caelestia.

2 b. Tu coruscas lumine
Et beato flamine

Adflatus per patriam.

3 a. Verbo fidem praedicasti,
Magnis signis coruscasti,
Ut lumen ecclesiae,

3 b. Caecis, claudis, surdis, mutis
Sanitati restitutis
Magno dono gratiae.

4 a. Dum sagitta fluvius
Effluebat ocius
Ventis et aeriis,

4 b. Strata veste saepius
Tibi fuit pervius,
Pervius et aliis.

5 a. Fratres Deum collaudantes
Te sequuntur, admirantes
Impressis vestigiis.

5 b. Tua prece plurima
Eemigravit anima
E carcere stygio.

6 a. Te virgo sanctissima
Monuit gratissima
Esse vota filio.

6 b. Sacro die assumptionis
, Binis scandis cum coronis
Doctoris et virginis.

7 a. O pater sanctissime,
O virgo purissime,
Tuis assis filiis.

7 b. Tu, doctor doctissime,
Tu, Deo carissime,
Assis in angustiis.

8. Tuis meritis tuere

Nosque posce congaudere
Sempiternis gaudiis.