213. De sancto Iohanne Baptista.
1. Alme mundi

2 a. Rex, Christe, qui
regis saecla
et arva
sataque cuncta.

2 b. Tu gubernas
astra supra
marisque
habitaculum.

3 a. Ipse es,
qui vocaris
alpha et ''eo,
''Initium et finis,
lapis quadrus
angularis
et concordia.

3 b. Qui facis
prisca nobis
praesentia,

Quaesumus, ut concedas,
cui superni
chori canunt
te laudantia,

4 a. Per suffragia
praecursoris
tui atque baptistae,

4b. Qui inter vates
solus maior
manet plus quam propheta,

5 a. Una cum illo
angelico agmine

Tuum mirabile
collaudare nomen
valeat phalanx nostra.

5 b. Iam nunc omnis turba
fidei subiecta
levet in excelsa

canoraque sancta
Domino dicentia:

6 a. Dignus es accipere laudes,
cui canunt Cherubim

6 b. Alleluia, alleluia,
bagie rex aeterne,

7 a. Qui solus regnas cum
patre et paraclito

7 b. Per immortalia
saeculorum saecula.

8. Amen dicant omnia.