214. In Nativitate s. Iohannis Baptistae.

1. Nativitatis

colamus debito sacra

2 a. Iohannis Baptistae,
martyris et
praeconis, festa.

2 b. Quem insignis veni-
ens nuntius
arce stellata

3 a. Praedixit ponenti
sacrificia

nascendum fore patri
iusto, comptum
virtutibus,
ex matre sacra.

3 b. Cuius ingenitus
fovens viscera
adventum Christi sensit,
exsultando
propheticum
signum demonstrans.

4 a. Qui multis fecit editus
gaudia,
dum patris linguam

4 b. Enodavit, quam nexuit
angelus
contemptus causa.

5 a. Hunc redemptor noster
laude praecipua

5 b. Extulit maximum
prophetarum vocans,

6. Mira fultum gratia.

7 a. Divinum

haec verbum vox praecesserat,

7 b. Hinc maior

inter natos claruerat.

8 a. Quapropter devotae

mentis promamus organa

8 b. Pangentes in laude
dulcia huius cantica,

9. Precem dantes sedulam,

10 a. Uti cordis nostri

rectam patret semitam,

10 b. In qua Christi poni
dignentur vestigia.