220. De ss. Iusta et Rufina.

1 a. Divina caeli agmina

Decorant, dictant carmina
De te, sponsa, per nomina.

1b. Te Sedem dici decuit,
Te cathedram instituit
Rex, qui in te complacuit.

2 a. Alta, sublimis aethere,
Sponsa coniuncta foedere
Iustae, Rufinae tempore.

2 b. Amoenitate fluvius,

Lux, de qua micat radius
Nascens, lustrans in melius.

3 a. Sicut caro Deo data
Virginum est copulata,
Sic fis Christo desponsata;

3b. Sicut requie divina
Sistunt Iusta et Rufina,
Sic tu, Sedes caelestina.

4 a. Sicut ipsis virginalis
Decor serta est regalis,
Tu corona principalis.

4 b. Iusta scandit principatu,
Rufina alte senatu,
Tu archiepiscopatu.

5 a. Illae fluunt lac decorum
Virginalem ante thorum,
Tu doctrinam sacram morum.

5 b. O sublimis imperatrix
Virginumque imitatrix,
Sis in caelis collocatrix

6. In laetitia et exsultatione.