224. De sancta Katharina.

1 a. Architriclina,

Summo de fonte propina
Oleum, lac, vina,
De trino trina.

1. Lac est doctrina

Iesu, sanguis Christi vina,
Oleum de Sina
Est gratia divina.

2 a. Lac, cuius piscina
Nos a sentina
Solvat et a spina
Culpae, corda pascat agnina,
Praesta, Costi nata, Katharina.

2 b. Vinum, columbina
Quo rubet gena,
Pallet serpentina,
Est sanguis Christi, medicina.
Qua restauratur caeli ruina.

3 a. Spongia, sponsa,

olei (tu) placa sponsum,
Utdet pium responsum
Nardum petentibus,
Caelum pulsantibus.

3 b. Aperi Christo

die isto omnium
Preces, victrix hostium,
Esto robur dementibus,
Solamen flentibus.

4 a. Tu duodenis

stellis es circumpicta,
Sole amicta,
Dicta benedicta
Calcansque cum luna
omnium delicta.

4 b. Audi, filia,

grates, exaudi fratres,
Adiuva patres,
Consolare matres,
Quae propter idola

ficta es adflicta.

5 a. Ingeniola

Tu regis decora

es filiola,
Tuae mentis mira

scientiola,
Quae sine mora
Vatum commutat ora
Prostrata ;omni hora
Ut humiliter
Sponso iungamur, ora,
Commorando aeternaliter.

5 b. Inviolata

Virgo, regis ira

es immolata
Una cum regina;

ut radiata
Stella, puella,
Locars caeli cella,
Proiectus cum sit ex illa
Digne lucifer;
Ipsum semper debella
Opem ferens liberaliter.

6 a. Grave edictum
Virgae per tactum
Muta, tu in thronis
Veri
Assueri,

De summis donis
Salomonis.
Regem Maxentium
Contrivit sancta
iuncta caeli colonis.

6b. Cordis duc (in) hortum
Nostri dilectum
Ac signati fontis
Hydriam
Flecte sanctis,
Utrem iumentis
Praebe cunctis ;
Iugum Pharaonis
Solve, frange vincla
regis Babylonis.

7 a. Audi nos,

Nam te salvator

nihil negans honorat.

7 b. Salva nos,

Iesu, pro quibus
Katharina te orat.

8 a. Da fontem boni visere,
Da puros mentis oculos
in te defigere,

8b. Quo haustu sapientiae
Saporem vitae valeat
mens intellegere.

9 a. Quia pro fide Christi
fudisti
Oleum, lac, sanguinem
in poenis,

9 b. Mel, lac ex eius ore
sumpsisti,
Sanguis eius ornat te
in genis.

10. Nos ornet tecum dicens:
Qui manducat carnem meam
et sanguinem meum bibit,
manet in me,
mecum per me
vere et ego in eo.