225. De sancta Katharin

1. Ave, praeclara

virgo gnara

et doctrix gentium,

sancta Katharina.

2 a. Euge, Dei sponsa,

mundi absconsa,

Costi regis nata,

ad Christum, regem caelorum,

advocata

sis, quaesumus, grata.

2 b. Vrgo, decus poli,

coniuncta soli,

castae matris proli,

tu, pietatis alumna,

mersos in aerumna

nos spernere noli.

3 a. Te plenam fide

attendentes homicidae,

idolorum cultores,

edocti Domino

vovent oboedire.

3 b. Te lignum vitae

quo munita rhetores

confundens, fidei

suadens assentire.

4 a. Tu agnum regem

colens, qui magnum gregem

populi sanguine

redemit, peremptum

damnoso crimine, palam

extulisti.

4b. Tuque furentem

ignem vetans urentem

capillos laedere

ac vestem caelestem

coronamque credentibus

spopondisti.

5 a. Hinc gentium

Alexandriae

Manentium

regem valide

mirum in modum

victum adfatu

confutat,

caelibatum

sub clausura dura

caesa graviter

servati pravo ex fastu

pastu privans sponsamDomini.

51). Hinc manna verum

in ergastulo

angelico

ministerio

admirantibus

cunctis custodes

testantur

cum regina,

esca fantur divina

pulchram refici ;

ora, virgo, nos illo

pane caeli dignos effici.

6 a. Fac fontem clarum,

quae vim rotarum

rumpis malignarum

fusa prece

et crudeli nece

turbam perfidorum

prosternis, quorum

secta censuit

in igne operari.

6 b. Fac igni sancto,

pignore tanto,

mentes inflammari,

furibundi.

sapientes mundi

quo arsisse noscunt,

qui nam deposcunt

sancti spiritus

virtute solidari.

7 a. Audi nos,

nam te filius,

pater matris, honorat.

7 b. Salva nos,

Iesu, pro quibus

Katharina te orat.

8 a. Da fontem boni visere,

insontem agnum sedule

in regno gloriae.

8 b. Quo viso vires animae

dulcorem ruentis caelice

queant percipere.

9. Tandem ad nontem Sina

scandere

confer, sancta Katharina.