226. De sancta Katharina.

1 a. In excelsis sine fine
De triumpho Katherinae
Agitur memoria ;

1. Et nos coetu cum superno
Die demus hodierno
Laudes et praeconia,

2 a. Ut cum dies erit irae,
Mereamur invenire
Eius patrocinia,

2 b. Quae tyrannum superavit,
Et reginam coronavit,
Omni plena gratia.

3 a. Oratores confiteri
Faciebat vias veri
Virgo paris nescia.

3 b. Rotas fregit altiores,

Quas convertit in terrores
Deitatis gratia.

4 a. In tormenti poena fortis
Non reliquit metu mortis
Genitorem filia.

4 b. Ense caesa decollatur
Et ad Sina deportatur
Via viris invia.

5 a. Virgo sancta, tuae genti
Passionem recolenti
Desuper irradia;

5 b. Ora Christum, Deo grata,
Ne involvant nos peccata
Vel tempestas obvia.