227. De sancta Katharina.

la. Attollamus in hac die
Sxtollendas laudes pie
Katherinae virginis,

1b. Commutantis morte brevi
Vitam aeternalis aevi
Regno vitae perpetis.

2 a. O quam mundi salvatricem.
O quam caeli regnatricem,
[O quam Dei genetricem]
Decet haec pedissequa !

2 b. Quam non vincunt blandimenta
Nec terrores nec tormenta,
Non sopborum argumenta,
Non ars syllogistica.

3 a. Diris poenis haec addicta
Vincit omnes, et invicta
Manet eloquentia,
Fide, patientia.

3 b. Morte cuius exquisitae
Rotae, serrae gladiique
Eius collisa precibus,
Quaternis mors furit milibus.

4 a. Per hanc grex philosophorum,
Imperatrix plebs multorum,
Cum coetu nobilium

4b. Christo credunt et recedunt
Ab errore, cum tremore
A cultura daemonum.

5 a. Fiunt isti

Testes Christi,
Reverentur,
Confitentur

Ore, corde Dominum.

5 b. Pro quo torti
Non absorpti
Moriuntur,
Sed nascuntur

Caelo per martyrium.

6 a. Quos praemissos subsecuta
Martyr hodie, soluta
Ab aerumnis saeculi,

6 b. Caelum scandit Katherina;
Eius corpus monti Sina
Commendarunt angeli.

7 a. Cuius signo tumuli
Liquor stillat olei,
Quo sanantur languidi
Huic supplicantes virgini.

7 b. Rex regum mirabilis,
Fove nos suffragiis
Huius mirae virginis
Tuis donis mirificis.