233. De sancta Landrada.

1. Landradae virginum chorus
intonet praeconia.

2 a. Agnus instruxit ovem,
Christus innocens fovit,
Per quem refrenatur
lascivia.

2 b. Cuius vita cum Christo
Florens fructificando
Fructum reportavit
cum gratia.

3 a. Die nobis, Landrada,
Quae vidisti miranda?
Splendorem caeli patentis
Et gloriam vidi
maiestatis.

3 b. Angelicos testes

Signum crucis ferentes.
Abscessit lux aetherea
Relinquens nobis
crucis tropaea.

4 a. O Landrada veneranda,
Nobis imitanda,
Gregem pastori sum-
mo commenda.

4 b. Per te, pia, detur via
Nobis, in gloria
Quo tecum canamus
Alleluia.