234. De sancta Landrada.

1 a. Gratulemur in honore

Salvatoris, et amore

Cordis psallat puritas.

1b. Laudans fidelis laetetur,

Ut Landradae veneretur

Devote sollemnitas.

2 a. Virgo stirpe generosa

Virtutibusque formosa

Sprevit transitoria.

2b. Summo sponsohaecadhaerens,

Cuius dona sibi quaerens

Invenit in gloria.

3 a. Mundum, daemones calcavit,

Fame, siti virgo stravit

Carnem ac vigiliis.

3 b. Apros, ursas non expavit,

Sed cum ipsis exsultavit

Deputans pro sociis.

4 a. Se castigat lacrimando

Non tepescens haec orando,

Vestita cilicio.

4 b. Caelica desideravit,

Mundi vana superavit

Exuta supplicio.

5 a. Gregis custos virginis

Nocturnis silentiis

Divinum solacium

Scrutans, flammaluminum

Istum perlustravit.

5 b. Audiens angelicas

Voces atque caelicas

Recollecto pecore

Visa mane propere

Virgini narravit.

6 a. Virgo sancta Sigemarum,

Sacerdotem sibi carum,

Adloquens secretius,

6 b. Quo assumpto cum pastore

Locum quaerit in ardore

Caritatis laetius.

7 a. In quo lux resplenduit,

Angelorum sonuit

Dulcis melodia,

7 b. Aram crucis destinans,

Sponsus sponsam visitans,

Mittens sponsalia.

8 a. Vox auditur caelitus:

Tibi mittit Dominus

Hoc munus, Landrada.

8 b. Gavisa de munere

Virgo plena flamine,

Cultrix honoranda.

9 a. Spinas, vepres exstirpare

Coepit virgo ac parare

Locum delectabilem,

9 b. In quo templum matri piae

Struxit virgini Mariae

Imitans amabilem.

10 a. Postquam illud consecratur,

Ibi Christo famulatur

Magistra hac virgine.

10 b. Quae plantatrix fit virtutum

Protegendo ferens scutum

Ab aestu et turbine.

11a. Iesu Christe, pastor bone,

Landradae sanctaematronae

Conserva collegium,

11b. Ut te laudet puro corde,

Mundatum ab omni sorde

Duc ad culmen regium.

12 a. Quo tecum virgo beata

Fulget lauro coronata,

Ubi pax est stabilis)

12b. Eius ut prece fruamur

Tui, Christe, et feramur

Ad te, ineffabilis.