238. De sancto Leonorio.

1. Lux est laudis et iucunda,
Laudent omnes laude munda
Patrem Leonorium.

2 a. Plene laudent hi, qui gaudent
Secum vere permanere
Sancti corpus proprium.

2b. Ad laudandum solvat ora
Omnis homo omni hora
Festa colens annua

3a. Tam praeclara confessoris;
Laus est talis laus decoris,
Dulcis et melliflua.

3b. Huiussanctipraeclarasanctitas,
Per angelum eius nativitas
Et nomen praedicitur.

4 a. Adplicatur expers mali
Documento literali,
Miranda res agitur:

4b. Literas primaria
Die vocat, alia

Iungit, scribit tertia.

5 a. Mari flante vento gravi,
Iam submersa pene navi
Tempestate nimia

5 b. Excitatus, dum dormiret,
Prece fecit, ne periret
Plebs in navi socia.

6 a. De proiecta mari ara

Fit cor maestum, mens amara
Venerandi praesulis;

6 b. Sed extractam de profundo
Reddit Deus viro mundo
Columbinis ungulis.

7 a. Cervi mites sicut oves
Arant iuncti sicut boves
Eius ad imperia;

7 b. Non punguntur stimulo,
Non tanguntur baculo,
Dum complent officia.

8 a. Concordatim omnes eunt,
Iuga tenent, iuga vehunt
In sancti obsequio:

8 b. Pergunt uniformiter,
Pergunt unanimiter
Uno desiderio.

9 a. Hora nona resolvuntur,
Pascunt, mane revertuntur
Et manent in opere;

9 b. Opus complent, quo completo
Iubet sanctus vultu laeto
Humiles recedere.

10 a. Super Rhenum caecos sanat,
Sic ab eo plene manat
Lux caelestis gratiae.

10b. Surgit sanus vir contractus,
Vir superbus mox confractus
Redditur miseriae.

11a. Iuxta verbum praedicentis
Et benigne admonentis
Sunt scabella viri flentis
Sano necessaria.

11b. Dat pro vino sancto virus
Homo nequam, homo dirus,
Homo malus et delirus
Et plenus nequitia,

12 a. Volens sancto dare letum;
Sed non habet leti metum,
Dum veneno vas impletum
Crucis signo frangitur.

12 b. Super dantem virus cadit,
Quem mors saevamoxinvadit,
Sic venenum morti tradit
Eum, a quo traditur.

13 a. Leonori, fons honoris,
Te orantes totis horis
Intus serva nos et foris
Tui nobis dans amoris
Sacrum desiderium.

13 b. Praesulsancte, flos hortorum,
Lux et decus confessorum,
Nos de faece mundanorum
Ad caelestem transfer cborum,
Ad perenne gaudium.