247. De sancta Margareta.

la. Psallat chorus virginum,
Tangat manus tympanum
Hodie,

1b. Sit spes una mentium,
Una vox canentium
Hodie.

2 a. Margarita, virgo martyr,
Angelorum tenens chorum
Clamitat:

2 b. Veniat dilectus meus

Et pomorum fructum suorum
Colligat.

3 a. Pulcher es, dilecte mi,
Et decorus,
Lectus noster floridus
Gloriosus,

Et amore langueo.

3 b. Caput meum sponsi laeva
Complexatur,
Dextra corpus cingitur,
Mens armatur,
Et amore langueo.

4a. Languet per exsilium,
Languet per martyrium
Sponsa Dei,

4 b. Caeli sed imperium,
Vitae refrigerium
Datur ei.

5 a. Inquit enim sponsus [illi]
Voce leni:

Tota pulchra es,

5 b. Nam cor meum vulnerasti,
Soror, veni,
Tota pulchra es.

6 a. Quam suntpulchrae
mammae tuae!
Favum stillant labia,

6 b. Mel et lac sub
lingua tua
Superans aromata.

7 a. Aperi, columba, sponsa,
Caput madet roribus;

7 b. Ut pateret mihi gressus,
Ad te veni noctibus.

8 a. Consummatur in hac sponsa,
Quod Salomon dixerat:

8 b. Mi dilecte, veni, veni,
Saepius exagerat.

9 a. Egrediamur

In agrum [et] commoremur
In villis,

9 b. Mane surgamus
Ac vineas videamus
In illis.

10 a. Si vinea nostra floruit,

Si frondens fructibus tumuit,

10 b. Si floruerunt mala punica,
Ibi dabo tibi ubera.

11a. Iam in caelo sponsi
fruitur amplexibus,

11 b. Ubera dat sponso
versis vicibus.

12 a. Deprecemur omnes
flexis genibus,

12 b. Ut adoret sponsum

pro nobis omnibus.