252. De sancta Martha.

la. Dies est laetitiae,
Pangat regi gloriae
Dulce melos hodie
Noster coetus.

1b. Cedat torpor mentium,
Surgat vox psallentium,
Cunctorum maerentiura
Cesset fletus.

2 a. Gaudeat ecclesia,
A qua Sion filia,
Martha de Bethania
Oriunda,

2 b. Clara stirpe genita,
Cara Christi hospita,
Carnis solvit debita
Laetabunda.

3 a. In caelorum solio
Fruens grandi bravio,
Iuncta Dei filio,
Quem amavit,

3 b. In terris hospitio

Pascens et de proprio
Tribuens cum gaudio
Ministravit.

4 a. Haec sororem noluit
Vacare, sed voluit
Eidem, quem coluit,
Ancillari.

4 b. Vitae mos theoricae
Datur his et practicae
Sororibus mystice
Designari.

5 a. Ad Christum provectio
Nobis et protectio
Huius sit dilectio,
Quam laudamus.

5 b. Adiuvet nos sternere,
Vana mundi spernere
Et post mortem cernere,
Quod speramus.