254. De sancto Martino.

1. Martine,

confessorum gemma,
praesulum gloria,

2 a. Tu vitae

perennis gaudia

2b. Amplexus
aetate tenera.

3 a. Liquisti
terreni regis
ac secutus
Christi militiam,

3 b. In qua te

semper exercens
concitasti
hostis invidiam

4 a. In te furentis,
in via

quem fossum
perculisti
voce divina.

4 b. Latroni Christum
postea
praedicans
regni Dei
facis consortem.

5 a. Tu Christum pauperem
vestisti parte tuae
chlamydis nudum,

5 b. Qui tibi proxima
nocte tua veste se
monstrat indutum.

6 a. Cuius nomine daemones
fugas, paralyticos,
caecos clandosque curas.

6 b. Tuque mortuos homines
pie tres resuscitas,
praesenti reddis vitae.

7 a. Tibi globus igneus
super caput apparens
clarum te signat.

7 b. Tuis semper precibus,
poscimus, facias nos
compotes Christo,

8. Sacerdos Dei magne.