256. De sancto Matthaeo.

1 a. Ave, clemens apostole,
Serto fulgens aureolae
Mirae pulchritudinis.

1b. Ave, doctor almae scholae,
Fac nos motus malivolae
Calcare cupidinis.

2 a. Duos magos superasti
Imbutos malitia,

2 b. Ab eorum liberasti
Populos fallacia.

3 a. Aethiopes docuisti,
Aegyptios convertisti
Praedicando iugiter ;

8 b. Regis natam suscitasti,
Regem doctum baptizasti
Et credentem firmiter.

4 a. Quam sacras velamine,
Novo in regimine
Ponis Ephigeniam;

4 b. Hanc rex plenus scelere
Cupiens corrumpere
Petit sibi sociam.

5 a. Ense cuius

orando cecidisti,

5 b. Ad caelorum

gaudia evolasti.

G a. Tuum martyrium
Donet praesidium
Nostris doloribus ;

6 b. Tua precatio

Purgans nos vitio
Iungat caelestibus.