258. In Translatione s. Matthaei.

1. Gaudeamus

singulari concordia,

2 a. Quae corda nostra

iungat firmata in

Christi gratia,

2b. Qua celebrentur

devote, Matthaee,

[haec] sollemnia.

3 a. Aethiopalis

zonae splendor fuisti,

3 b. Brictonibus ut

sol mundo claruisti.

4 a. Lucani depositum

pretiosum hoc habuerunt,

4 b. Tandem Salernigenae

tanto pastore claruerunt,

5 a. Ubi nunc suffragia

multa dantur

ipso protegente.

5 b. Quotque mirabilia

semper fiunt

Christo adnuente !

6 a. Eius monstrantur

nautis prodigia

maris fluctibus,

6 b. Cum[que] petuntur,

dantur auxilia

nostris civibus.

7 a. Cuidam vetulae Lucanae

paret in somnis hortans,

ut glebam sui corporis

7 b. Spinis contectam et herbis

monachus, eius natus,

inquirat dati muneris.

8 a. Vacuum plebi

vas, vinum donans convivanti,

corporis inventio,

8 b. Furtim subtractae

pecuniae peregrinis fit

mira restitutio.

9 a. Arida dextra

vivificatur

morbo cessante,

9 b. Contractus puer

movetur plene

turba clamante.

10 a. Pes arefactus

gressum recuperavit,

10 b. Caecis visum dedit

et languores sanavit.

11a. Filiae Landonis

contractae gressus datur,

11b. Et adulescenti

motus recuperatur.

12 a. Mutis sermo,

surdis auditus

redditur,

et debilis sanatur.

12 b. Confunduntur

detrahentes, qui

nocendi

se teste condemnantur.

13 a. Tollitur latronibus

gressus, quousque

restituant,

quod sustulerunt.

13 b. Linguis loquens variis

daemon Apulam

deserit ;hoc

multi viderunt.

14 a. Nos sollemnia

tibi celebrantes

Duc ad supernorum gaudia

ad tuum honorem

exsultantes,

14 b. Nos hic respice

cives gubernando,

Donans solida suffragia

concivibus tuis

operando,

15. Nam diem

gloriosum fecisti.