261. De sancto Mauritio.

la. Magno rerum creatori,
Plasmatorum salvatori
Honor, laus et gloria,

1b. Ad quem manus expandentem
Et in crace sitientem
Tracta currunt omnia.

2 a. Vi clamoris passi Dei
Praedicantur et Thebaei
Conversi deifice,

2 b. Regem regum venerantur,
Hierusalem baptizantur
Urbis a pontifice.

3 a. Intra Romam confirmantur
Sacra fide, dum sectantur
Aquilas imperii,

3b. Contra pacis hostes gerunt
Arma, iustum nullum terunt
Innocentes filii.

4 a. Iussu regis diis libatur,
Grex Thebaeus absentatur
Suadente Mauritio,

4 b. Ubi locum tanti mali
Declinando spiritali
Se det exercitio.

5 a. Stat invictus miles fortis
Et contemni minas mortis
Sacro docet monitu,

5 b. Deos plures detestatur,
Deum unum veneratur
Sancto cum exercitu.

6 a. Velut aurum comprobantur
Sancti, dum bis decimantur,
Aurum sine scoria:

6 b. Xristi servos imitantur,

Qui supersunt, sed lactantur
Passim clade tertia.

7 a. Eia, caelum iucundatur,
Uno die quod ornatur
Tot sanctorum pignore ;

7 b. Terra recens humectatur,
Signis novis fecundatur
Et signorum foenore.

8 a. Milium sex sescentorum
Sexaginta sex stratorum
Coheredum Domini

8 b. Almus cruor Agaunensi
Rupe fusus Rhodanensi
Dat augmentum flumini.

9 a. Rorant caeli decus orbi,
Fugat genus omne morbi
Martyrum precatio:

9 b. Tantum nulli meruerunt,
Ut, qui semet impenderunt
Horum patrocinio.

10 a. Iesu, partus ventris casti,
Morte sacra quos salvasti
Mortis ab interitu,

10 b. Regni tui confer munus,
Qui cum patre Deus unus
Es et sancto spiritu.