263. De sancto Mauro.

1. Maurus lucida

Scandit poli culmina.

2 a. Hodierna iucundetur
die plebs angelica,

2b. Hodierna die mater
iubilet ecclesia.

3 a. Grex ordinis monastici,
Odas date cantici,

3 b. Gesta Mauri concinite
In voce laetitiae.

4 a. Hic duodennis

Benedicto traditur,

4 b. Annos bis denos

hoc sub duce alitur.

5 a. Maure, sub hoc duce
quis fueris,
Prodigiis patet
innumeris.

5 b. Dum patris

imperium peragis,
Absque madore
fluenta premis.

6a. Tu linguae reddis
Officiumque pedis,

6 b. Das vires fractis,
Caecam videre facis.

7 a. Qui tibi obloquuntur,
Daemone invaduntur.

7 b. Sint laudatores tui
Tuis sub alis tuti.

8 a. Daemon tua

iussa tremiscit

8 b. Obsessaque

corpora linquit.

9 a. Tua mors quoque
verba pavescit,

9b. Tibi viva

cadavera reddit.

10 a. Tu das bibendo

vinum non deficere,

10 b. Membra personae

nectis paralyticae.

11a. Labrum naresque

morbo curas canceris,

11b. Secreta noscis

pandentibus angelis.

12 a. Annorum libram auream
Comples et sumis lauream.

12 b. Nos post decursum stadium
Fac promereri bravium.

13 a. Praestet hoc per te
pater atque natus,

13 b. Praestet hoc patris
genitique flatus,

14. Deus unus.