275. De sancto Petro.

1 a. Princeps, dux ecclesiae,
Petrus fulget hodie
Pastor factus ovium ;

1b. Pisci iacit retia,
Iecit ad imperia

Et ad mentes omnium.

2 a. Claves tenes nunc caelorum,
Super terram populorum
Solvis, ligas animas:

2 b. Solve vincla delictorum,
Pastor clemens, adflictorura
Vide, terge lacrimas.

3 a. Calcat mare gressibus,
Paene mersum fluctibus
Christus elevavit ;

3b. Piscis os aperuit
Stateremque repperit,
Didragma donavit.

4 a. Super solem refulgentem,
Transformatam supra montem
Vidit Christi faciem,

4b. Christo spondet inflammatus:
Pro te mori sum paratus,
Ense fugat aciem.

5 a. Gallus cantans arguit,
Flens, dolens ingemuit,
Veniam meretur ;

5 b. Timens ostiariam
Regum nec potentiam
Nec minas veretur.

6 a. Umbra sanat corporali,
Virga data pastorali
Suscitat discipulum,

6 b. Petronillam aegram sanat,
Marcum docet, unde manat
Doctrina per saeculum.

7 a. Baptizat Cornelium,
Magum per daemonium
Volantem prostravit,

7 b. Tabitam resuscitat

Et, dum templum visitat,
Claudum reparavit.

8 a. Se amare ter fatetur,
Gregem pascere iubetur
Verbo, vita, pabulo;

8 b. Versa cruce crucifixus
Stat in Deo totus fixus,
Docet de patibulo.

9 a. Super thronum collocans,
Caelo, mundo principaris,
Petre beatissime,

9 b. Fac nos tecum confessores,

Coheredes, possessores

Vitae felicissimae.