278. De ss. Petro et Paulo.

1. Principes veneremur
nunc ordinis
apostolici,

2 a. Ad Christum
qui mundum
sanctis deducunt
exemplis,

2 b. Qui verbis
et factis

gentes persuadent
credere.

3 a. Ianitor

caelorum pastorque
o animarum inclite,

Contra quem nil
valent inferni
portae, sed fractae
corruunt,

3 b. Tu Petrus

es, supra quem firma
stant pietatis opera,

Tu imperas
machinae cunctae,
quam Deus auctor
condidit.

4 a. Iesus, domnus noster,
caelica dum petiit
Et spiritum sanctum
cordibus dum tradidit
tui sociorumque tibi,

4b. In gentibus cunctis
lux pia quo micaret,
Iudaicis oris
divina charismata,
Petre sanctissime, foederas.

5 a. Iam tandem Romanum
orbem transvolas
signis prodigiisque replens

5 b. Urbemque Romuleam
mortis gloria
vexilloque crucis superas.

6 a. Tu, Paule,

postquam gentibus
paene cunctis,
postquam tu Graecis
universis
mandaveras
Christi perpetua
munera,

6 b. Tu, Paule,

Romam veniens,

visione

Simon Neroque

vincerentur,

laboribus

Petri sanctissimi

subvenis.

7 a. Hodiernam
ergo diem

martyrio [vestro] o quam
dignissimo
ornantes,

7 b. Plebiculae
pia vota

suscipientes, terrena
caelestibus
haereant,

8. Facite, peccata
quod precibus vestris
solvat rex regum
regnans saecula
per cuncta.