275). De ss. Petro et Paulo.

1 a. Roma, nutrix Augustorum,
Gratuleris ad tantorum
Principum sollemnia;

1 b. Primitivus fons erroris,
Sed caelestis vi pastoris
Facta tributaria.

2 a. Roma gaudet, felix villa,
Sponsa Christi, non ancilla
Multiformis daemonis,

2 b. Nazaraei mater gregis

Post Neronis mortem regis
Et occasum Simonis.

3 a. Huius artes verbo Dei
Piscatoris Galilaei
Longe virtus expulit,

3 b. Panem dum sanctificatam

Contra gregem simulatum

Canum Petrus protulit.

4 a. Turris lignis fabricata
Novit, quantum Dei data
Possunt Petri retia,

4b. Dum descendit in infernum
Convolantis ad supernum
Nova magi gloria.

5 a. Exspectantes deforis
Umbra sancti corporis
Multis a languoribus

5 b. Multos plene liberat
Et dolorem temperat
Suis cum ardoribus.

6a.........

6 b. Restitutis gressibus
Servi Dei precibus

Praesens psallit clericus.

7 a. Mira virtus, mira vita,
Surgit a morte Thabita,
Luci vivit iterum,

7 b. Sana redditur egenis,
Viribus firmata plenis
Caram habet pauperum.

8 a. Haec convertit ab errore,
Quae nec dici possent ore,
Turmas infidelium:

8 b. Per hanc pariter virtutem
Multos vocat ad salutem
Paulus, doctor gentium.

9 a. Furens prius Graecia
Tota cum Galatia
Credit evangelio;

9 b. Sumunt et Corinthii
Semen evangelii
Pauli magisterio.

10 a. Hi sunt luminaria
Duo radiantia

Semper ante Dominum,

10 b. Quorum potestatibus

Caelum clausum nubibus
Imbri ponit terminum.

11a. Quorum alter cruci datus,
Alter gladio truncatus,
Caelo gaudent pariter;

11b. Quorum precibus adiuti
Perditae pridem saluti
Reddamur alacriter.