282. De sancta Pliarahilde.

1 a. Felici conubio
Regi regis filio

Nupsit virgo regia,

1b. Pharabhil dis caelitus
Inspirata penitus

Mundi sprevit gaudia.

2 a. Deum sequens puro corde
Cor ab omni virgo sorde
Mundavit [et] lascivia,

2 b. In aetate puerili
Reputavit pro re vili
Bona mundi labentia.

3 a. Ad vitae perpetuae
Requiem assiduae
Anhelabat anxia,

3 b. Nihil in hoc saeculo
Concupivit iaculo
Iesu Christi saucia.

4 a. Ter denorum cum annorum
Complevisset spatia,

4b. Maritatur, viro datur,
Firmantur coniugia.

5 a. Pharahildis iuncta sponso
Fundit preces in absconso
Trahitque suspiria;

5 b. Deus votis eius cedit,
Qui privari non concedit
Eam pudicitia.

6 a. Hinc maritus imperitus
Commotus insania

6 b. Torquens eam tamquam rear.:
Addens improperia.

7 a. Sponsae sponsus iniuriam
Vertit ad ignominiam,
Ducit ad supplicia ;

7 b. Equo lapsus conteritur,
Contritus membris moritur
Dictante iustitia.

8 a. Virgo clemens et illustris
Sex cum viro vixit lustris
Pollens castimonia,

8 b. Et post annos ter denos ter
Liberator eam noster
Recepit in gloria.

9 a. Huius ergo virginis
Preces summi numinis
Nos ducant ad atria,

9 b. Ubi sine termino

Laetemur cum Domino
Perenni laetitia.