287. De sancto Provino.

1. Hymnum canamus gloriae,
Hymni novi nunc resonent

2 a. Ad laudem tanti praesulis
Et Cumani antistitis,
Assumpti cum apostolis
In monte novi luminis.

2b. Proles de caelo prodiit
Novis utens prodigiis,
Caelum caecis aperuit
Invocantibus subvenit.

3 a. Provinus fluit gratia
Forma factus humilium,
Laetus potitur praemiis
Sortis consors sublimium.

3 b. Provinus vir catholicus
Et totus apostolicus
Ecclesiae catholicae
Fidem Romanam docuit.

4 a. Nobili [hunc] prosapia
Concepit mater sedula
In civitate parvula,
Quae nunc vocatur Provina.

4 b. Nunc spiritu prophetico
Diu refulsit gratia,
Cunctis Cumanis civibus
Felix remisit Francia.