290. In Commemoratione S. Remacli.

la. Expers labis mentium
Fit coetus vacantium
Carminibus melicis,

1b. Nam commemoratio
In hoc cluit orgio
Remacli pontificis.

2 a. Allatus praesentiae
Qui regali Legiae
Miraculis claruit,

2b. Sopiturus schismata
Tranquillitate rata
Pacem hic obtinuit.

3 a. Offert se lux obviam
Clientique tibiam
Resolidat strenuo;

3 b. Uno sursum cubitu
Effertur cum strepitu
In aethera denuo.

4 a. Auditur clandestina
Una serens famina

Cum Lamberto martyre;

4 b. Eius volans de capsa
Est columba elapsa
Visa maestos lenire.

5 a. Campanarum concitus
Auditur divinitus
Sonus mirabiliter.

5 b. Non possum[us] singula
Ipsius miracula
Percensere breviter.

6 a. Et caecos illuminat
Et omnes exterminat
Morbos Dei munere.

6 b. Incumbamus igitur
Precibus, cum petitur,
Nam solet adnuere.

7 a. O praesul eximie,
Fer Dei clementiae
Vota supplicantium,

7b. Ut nos ducat ad chorum
Post hanc vitam sanctorum,
Ubi iugis gloria

8. Cum laetitia.

Dicant Amen omnia.