295. De sancto Sebastiano.

1. Ave, praeclare,

Miles et martyr care,
Virtutes amare
Fac, Sebastiane.

2a. Eia, pugil fortis,
Qui saeva mortis
Tela contempsisti,
Tyranni minas sprevisti,
Christum dilexisti,
Sebastiane.

2 b. Stemmata, parentes
Natosque flentes,
Uxores gementes
Marcum et Marcellianum
Linquere fecisti,
Sebastiane.

3 a. Te christiani

In pedore Tulliani
Solatorem, doctorem
Sensere sincere,
Dive Sebastiane.

3 b. Te Mcostratus

Cum muta Zoe sanatus
Commendabant, laudabant,
Animas Deo dabant
Per te, Sebastiane.

4 a. Tu Claudii

Filios duos sanasti,
Tu Chromatii
Domum baptizasti
Idolaque concremasti,
Sebastiane.

4 b. Tu Caesarum

Machinamenta, tormenta,
Irritamenta,
Spicula, sagittas
delusisti virtute Christi,
Sebastiane.

5 a. Hinc merito
Te colit Italia,
A qua fugata
Pestis epidemia,
Succursorem, tutorem,
Defensorem, liberatorem,
Gubernatorem te experta,
Comperta
Est fides tua,
Gloriose martyr,
Sebastiane.

5 b. Hinc motus te

Totus orbis celebrat,
Nomen, famam,
Laudes tuas elevat,
(Te) patronum, protectorem
Bonum honorat et decorat,
Medicantem [et] sublevantem,
Curantem
Aegra corpora
Animasque sanantem,
Sebastiane.

6 a. Fac nos Deo gratos,

A criminum sorde liberatos
Et purgatos,
Bonis adgregatos,
Caelis collocatos,
Inter vocatos
Tecum beatos,
Sancte Sebastiane.

6 b. Fac Deum timere

Illi(que) semper adhaerere, vere
Paenitere,
Pro peccatis fiere,
Culpam abolere
Et obtinere
Tecum gloriam
Regni, Sebastiane.

7 a, Audi nos,

Miseros servulos tuos,
Sebastiane.

7 b. Salva nos,

Sana languores morbidos,
Sebastiane.

8 a, Da diram pestem fugere,
Virtutes nobis suggere,
Sebastiane.

8b. Da medicinam divinam.
Per te vitemus ruinam,
Sebastiane.

9. Sebastiane,
Miles christiane,

Per te nostrae sint animae sanae,
Vespere et mane
Nos protege et a peste,
Pie Sebastiane.