299. De sancto Silvestro.

1. Haec sunt sacra festa
laudibus magnis digna.

2 a. Nostra bac die carmina
penetrent templa
precibus siderea;

2 b. Sancti Silvestri meritis
merita nobis
imploremus prospera.

3 a. Inter aethereos
cives tuos
post delicta
nos, sancte Silvester,
revoca.

3 b. Tuarum ovium
margarita
pretiosa,

tu gemma plebis
fulgida.

4 a. Tu, dux gregis,
laeta iucunda
providisti
tuis vitae pabula ;

4 b. Servans, custos,
ovium caulas
abegisti
efferas insidias.

5 a. Nunc alias
tenes patrias,
angelorum delicias,

5 b. Terram Eden,
rura pinguia,
magnis deliciis plena.

6 a. Ne nos, te quaesumus,
deseras,
baiulansque oves tuas

6 b. Dispersas, quaesumus,
revoca
sublevaque prece tua.

7 a. Ne sit procul tua cura,
ne simus hostis praeda,
mortis tela violent
mentis animam ;

7 b. Frangimur belli pugna
dextera sine tua,
tua sit victoria
Christi gratia.

8 a. Iudicem postula,

deleat nostra crimina;

8 b. Quaesumus, impetra
remissionis veniam.

9 a. Pastor, tuam familiam,
Sancte Silvester, guberna

9 b. Atque Deo ut munera
hostiamque repraesenta,

10. Ut digni fruamur gloria.