303. De sancto Stephano.

1 a. Adest cunctis festum duplex
Eius, qui adorat supplex
Pro se lapidantibus.

1b. Hac die fuit translatus

Stephanus vel lapidatus

Duris cum lapidibus.

2 a. Hic exemplar fuit morum

Et pugil apostolorum,

Viduarum regula,

2 b. Martha quoque et Maria
Cibo, verbo, Rachel, Lia,
Cervicosis ferula.

3 a. Hic convicit disputantes,
Superavit lapidantes
Mentis patientia,

3 b. Testes falsos confutavit,
Iesum stantem collaudavit
In paterna gloria.

4 a. Flexo genu adoravit,
Inde Paulum impetravit
Pro doctore gentium:

4b. Sic in pace obdormivit,
Cuius corpus sepelivit
Conventus fidelium.

5 a. Luciano demonstratur

Ipsum corpus, transportatur
Motu honorabili ;

5 b. De Sion sancta levatur,
Proles regis liberatur
A caede horribili.

6 a. Stephane et o Laurenti,
Procuretis congaudenti
Gxaecae et Romanae genti,
Omni etiam viventi
Unitatis vinculum;

6 b. Quorum membra sunt unita,
Protomartyr et Levita,
Urna una nobis sita,
Esse date nos cum vita
Receptos ad osculum.