323. De sancto Vitale.

1. Annua praesentis recolamus gaudia festi

2 a. Et victo roseum pangamus hoste triumphum
Vitalis summi, martyris egregii,

2 b. Tegmine militiae qui plures abstulit orco,

Namque latens animos misit et ad superos.

3 a. Claruit alma fides arcano tecta decore,

Cumque vacillantem cerneret Ursicinum,

3 b. Humani generis Behemoth non pertulit hostem
More vorare suo posse Dei famulum.

4 a. Nomine pro Christi iudex insanus et amens
Istius ergo caput ense ferire iubet.

4b. Tu quoque, martyr alumne, scrobe dimersus in atra
Nunc super astra ciuis perpete luce fluens.

5 a. Ille miser taetri tenebris cruciatur Averni,
Tu laetaris ovans cum legione poli,

5 b. Quaesumus, ut veniam crebra rogites prece noxae,
Arbiter aeternus nos tibi consociet

6. Inter et electos adnuat esse suos.