329. De sanctis Apostolis.
In Commemoratione s. Pauli.

1 a. Coetus apostolici
Festa recolentes
Deo trino simplici
Canamus gaudentes,

1b. Cuius mirabiliter

Flamine repletus
Ipse multipliciter
Nos illustrat coetos.

2 a. Petri, Pauli sanguine
Roma consecratur,
Quibus Christi nomine
Principatus datur;

2 b. Hi coram te, Domine,
Lumina sunt duo,
Quae suo nos lumine
Regunt, immo tuo.

3 a. Ceteri participes
In apostolatu
Hos agnoscunt principes
In tanto primatu.

3 b. In tuis eloquiis

Hi omnes imbuti
Suis te martyriis
Sunt, Christe, secuti.

4 a. Ad quorum eloquia
Fonte sacro loti
Inter laudis munia
Poscimus devoti,

4 b. Ut sic evangelii

Verbum exsequamur,
Quod aeterni praemii
Dona consequamur.