330. De sanctis Evangelistis.

1 a. Ad laudes animalium,
Deum collaudantium
In superna patria,

1b. Ecclesiae devotio
Attollit praeconio
Sanctorum magnalia.

2 a. Resonant in aethere
Dulci modulamine
Trinitatis gloriam,

2 b. Patris atque filii
Et spiritus paracliti
Maiestatem unicam.

3 a. Carent ergo requie
Nocte semper ac die
Ante thronum dicentia:

3 b. Sanctus, sanctus, sanctusDeus,
Qui est trinus, indivisus,
Sanctorum magna gloria.

4 a. Quattuor sunt proceres,

Matthaeus, Marcus et Lucas,
Iohannes supereminens.

4 b. Quattuor hos facies
Sequuntur volubiles,
Rotae visu horribiles.

5 a. Tamquam aeris dant scintillas,
Inter gentes ut per illas
Ignis divinus ardeat,

5 b. Mundo fides intimetur,
Homo lapsus reportetur
Illuc, unde corruerat.

6 a. Iunctas pennas et extentas
Dei magna voce facta
Festinant submittere,

6 b. Creatorem mox adorant
IIIi dantes, quod laborant
In virtutum opere.

7 a. Quattuor throni suntcolumnae,

Volutantes ut columbae

Ad divina semina,

7 b. Quattuor orbis cum per plagas
Tendunt arcus et sagittas
Sua per evangelia.

8 a. Ergo sanctis his rogatur,
Quorum scriptis informatur
Haec Christi familia,

8 b. Ut cum eis in supernis
Ante Dei thronum ei
Decantet Alleluia.