332. De sanctis Patriarchis.

1. Laetetur ecclesia

2 a. Recolens sollemnia
Patriarcharum dia,

2 b. Concinatque [gaudia]
Simul caeli curia.

3 a. Hi mundi prioris
Olim stellae caligantis

3 b. Dabant spem maioris
Solis vere coruscantis.

4 a. Abraham prolis parens
Stellis comparatae

4 b. Spondetur, exsul parens
Fidei probatae.

5 a. Hic, super struem Isaac dum
immolat victimam,
in Christo praesignat

5 b. Infiliationem, Deus
qua pater genitum
populum adoptat.

6a. Iacob luctans cum fratre
in matris visceribus

6 b. Proelia electorum

signat atque malorum.

7 a. De scala prolis suae
quadrifaria
collectura praesignat
crucis mysteria,

7 b. Quod oriens, occidens,
auster, aquilo,
dum praedicantur, partes
dent Dei populo.

8 a. Haec est ecclesiae

8 b. Causa laetitiae,

9. Ut Deus nos cum his patribus
emendatos moribus
locet in caelestibus.