336. De sanctis Martyribus.

1 a. Sanctos Christi pugiles,
Martyres laudabiles,
Plebs laudet fidelium
Horum fans martyrium.

1b. Stephanus lapidatur,
Placidus decollatur,
Poenarum incendium
Dat nunc ipsis gaudium.

2 a. Levitae Laurentius
Sancti et Vincentius
Assantur in ignibus
Spretis mandi opibus.

2 b. Vinculatur Iohannes

Doctrinae praebens amnes,
Cuius caput levibus
Dire ruit saltibus.

3 a. Thomas Canturiensis
Ictu spiravit ensis,
Sebastianus fuste
Occiditur iniuste,

3 b. Monachus Bertarius
Martyrium dirius,
Homo mentis onustae
Donis, tulit robuste.

4 a. Chrysantus et Daeia
Passi sunt martyria,
Vivi sepeliuntur,
Sic martyres dicuntur.

4 b. Pollinaris caeditur

Et ad montem ducitur.
Dies sic finiuntur
Et superna petuntur.

5 a. O martyres beati,
Ut sitis advocati
In conspectu iudicis
Pro viris monasticis,

5 b. Petimus suppliciter,
Ut fruamur dulciter
Praemiis magnificis
Cum civibus caelicis.