337. De uno Martyre.

1. Narremus in laudem Domini
militis pugnam,

2 a Crucifer cruciferum

qui dum sequitur Christum,

2 b. Ut est eius in morte
sic socius et vitae.

3 a. Inter diversas
poenas trucidatus,
sed non superatus,

3 b. Martyr certabat
Christum confitendo,
tortor cruciando.

4 a. Sed nescit impius,
quod testis Domini
cupit solvi, Christo iungi;

ib. Nam gaudet conteri
contrariam sibi
carnem, pigram iussis Dei,

5 a. In qua sunt inimici
hominis domestici eius
odio digni,

5 b. Cum quibus non habebat
hic pacem, sed illos occidit
gladio Christi.

6 a. Qui carnis victimam

mactans per abstinentiam,
conversatione
quam prius obtulit,
post in passione,

6 b. Quam reddes militi,
fidelis Christe, fideli
membris et capillis
iam non corrumpendis
numero redditis.

7. In cuius triumpho
laus sit tibi, Domino,
pro te certantis fortitudo.