339. In natali Confessorum.

1 a. Confessorum agonia
Modulata symphonia
Moduletur musice,

1b. Quam caelestis ierarchia
Cum hymnorum harmonia
Decorat mirifice.

2 a. Continentes, viduati
Meruerunt Deo dati
Fructum sexagesimum.

2 b. Abstinentes coniugati,
Semper bonis sociati,
Emerunt tricesimum.

3 a. Mente pura, probitate,
Vita munda, sanctitate
Sortiti sunt bravium.

ob. Fame, siti, nuditate,
Fama, verbo, lenitate
Perceperunt gaudium.

4 a. Hi egenis condolentes,
Victum, potum tribuentes
Surgunt ad caelestia.

4b. Mala mundi contemnentes
Bonis petunt, sic currentes,
Aeternorum gaudia.

5 a. Ergo laudes istis demus,
Voce, mente commendemus
Eorum sollemnia,

5 b. Ut cum eis habitemus,
Summo regi decantemus
Hymnum dictum Gloria.