Capitulum I.

Verba Ecclesiastae etc. Iste totalis liber dividitur III tres partes: III titulum sive prooemium et tractatum, qui incipit ibi : Vanitas vanitatum etc.: et epilogum, qui incipit Ibi: Cumque esset sapientissimus Ecclesiastes.

In titulo manifestatur efficiens, III tractatu materia et forma, III epilogo finis.

De titulo.

(Vers. 1.). In titulo I gitur manifestatur auctor quantum ad sapientiam, quantum ad bonitatem, quantum ad regiam potestatem.

Ratione sapientiae dicit : Verba Ecclesiastae, supple: quae sequuntur sunt verba Ecclesiastae: quia Ecclesiastes dicitur concionator, et concionator esse non potest, nisi sit sapiens: quia dicitur Proverbiorum vigesimo sexto: " Quomodo si nascatur spina in manu temulenti, sic indecens est in ore stultorum parabola ": unde Proverbiorum decimo septimo: "Non decent stultum verba composita ".

Quantum ad bonitatem manifestatur, cum dicitur: Filli David. David enim sanctus fuit, et Imitationis filii sancti sunt: unde in Scriptura nomen est benignitatis et mansuetudinis: Matthaei decimo quinto : (Miserere mei, fili David ".

Quantum ad regiam potestatem, cum dicitur: Regis Ierusalem, quia Ierusalem nobilissima erat civitas et totius regni principium, infra : Ego Ecclesiastes fui rex Israel in Ierusalem, quia Ibi maxime morabatur.