10. Ad Deum Oratio.

1. Gratia excelsa regi

referamus pariter,
Qui nos in unum congregavit,

te laudamus, Domine,
Ut possimus invenire

requiem in saeculum.

2. Alta sede postulemus
summo Dei filio,
Ut suum mittere dignetur

angelum perspicuum
Ad expugnandum, expellendum
hostem antiquissimum.
3. Invidus ille temptator,
fallax atque perditus,
Semper cupit discordare
concordantes fratribus,
Ut possit gratiam mereri
ante nequam principem.
4. Dominus atque salvator,

quod suum redemit sangui-
nem,
In sua semper potestate

reservare animas,
Ut nec unus praeter eum
potestatem habeat.

5. Honor illi et potestas
in aeternum permanet,

Qui nos pastorem super gregem
vocare dignatus est,

Ut salvas oves consignemus
ante eius oculos.

6. Almus ille speculator
sacerdos in populo

Semper astat super gregem,
pugnat contra impios,

Ut nec unam possit ovem
rapere de gregibus.

7. Libare Deo studeamus
hostiam pro fratribus,

Ut ante eum mereamur
portare manipulos

Atque de talentum lucrum
consignemus geminum.

8. Divina templa coeuntes
suspiremus pariter,
Polorum regi obsecrantes

pro nostra facinora,
Ut ipse pius miserator
donet indulgentiam.

9. Vigilemus et oremus
unusquisque pro alio,

Ut possimus invenire
requiem in saeculum

Atque vitam possidere,
quam promisit Dominus.

10. Summo regi postulemus
pro cunctorum scelere

Et de nostro mereamur
invenire veniam

Per eum, qui semper vivit
et regnat in saecula.

11. Te deposco, dulcis frater,

qui canis hunc versiculum,

Ut requiras principales
literas per ordinem,

Sic invenis eius nomen,
qui hunc exposuerat.