194. De XV Gaudiis caelestibus BMV.

Iam translata polis, aeterni cellula solis,
Gaudia quindena tibi debita, virgo serena,
Suscipe mente pia, caeli regina Maria.

1. Gaude, clara stella maris,
Quae sub nato principans
Sanctorum collegio;

Gaude, mater singularis,
Virgo semper quae probaris
Miro privilegio.

2. Gaude cum ipso locata,
In carne glorificata

Patrum testimonio ;
Gaude, stellis coronata
Bis senis et illustrata

Luminis principio.

3. Gaude, regina beata,
Super caelos exaltata,

Mater iuncta filio;
Gaude, spes desiderata,
Ex te fulsit salus data

Pressis in exsilio.
4. Gaude, dextris deitatis
Assistens fons pietatis,

Maestis consolatio;
Gaude, norma sanctitatis,
Speculum humilitatis

Boni propagatio.
5. Gaude, fuga vitiorum,
Solvens vincula reorum,

Iustis praemiatio;
Gaude, doctrix et lex morum,
Ductrix ae lux viatorum,

Lapsis relevatio.

6. Gaude, decus angelorum
Omniumque beatorum

Laeta speculatio;
Gaude, nutrix orphanorum,
Liberatrix oppressorum,

Aegris recreatio.
7. Gaude, parens absque pari,
Quam ferventer contemplari

Dulcis est refectio;
Gaude, praedigna laudari,
Digna tamen laudes fari

Impos est affectio.
8. Gaude, celsae vitae via,
Tibi compar psalmodia

Nulla nec oratio;
Ergo posse da, Maria,
Supple nosse poscens, pia

Caeli honoratio.
9. Et iste, qui non meretur,
Ad has laudes inflammetur

Tuo patrocinio,
Et sic semper veneretur
Nomen tuum, ut tenetur

Sincero praeconio;

Dona, quod exterminetur

Omne malum, vita detur

Omni carens vitio.